FACEMOS IOGA

DESPEDIMOS ESTA SEMANA CUNHA PEQUENA SESIÓN DE IOGA COA QUE COÑECEREMOS ALGUNHAS DAS POSTURAS MÁIS BÁSICAS DESTA DISCIPLINA E  AXEITADAS PARA OS MÁIS PEQUENOS DA CASA.

POR QUE FACEMOS IOGA?

O IOGA PRESENTA MÚLTIPLES BENEFICIOS TANTO PARA MAIORES COMO PARA NENOS/AS, ENTRE OS QUE QUEREMOS DESTACAR OS SEGUINTES:

• AXÚDANOS A COÑECER MELLOR O NOSO CORPO E CADA UNHA DAS SÚAS PARTES.
• PERMÍTENOS DESCUBRIR NOVAS POSTURAS E ADQUIRIR FLEXIBILIDADE.
• AUMENTA O NOSO EQUILIBRIO.
• FOMENTA A RELAXACIÓN E O CONTROL DA RESPIRACIÓN.
• E MESMO PROMOVE O RESPECTO CARA O MEDIO AMBIENTE.

POIS BEN, AQUÍ VOS DEIXAMOS A NOSA PROPOSTA PARA INICIARNOS NO MUNDO DO IOGA ESTA FIN DE SEMANA:

ÁNIMO! NÓS VOLVEMOS O PRÓXIMO LUNS!

CIRCUITO DE SALTOS

MOI BOAS!

A NOSA PROPOSTA DE HOXE É UN CIRCUÍTO PERFECTO PARA ORGANIZAR NO SALÓN DA CASA (OU NOUTRO ESPAZO LIBRE DE OBSTÁCULOS).

O MATERIAL QUE PRECISAMOS PARA ESTE XOGO SON UN CONXUNTO DE PLANTILLAS MOI SINXELAS E QUE TODOS NÓS PODEMOS CREAR CON CARTOLINAS, CARTÓN OU GOMA EVA.

SE VOS FIXADES, SÓ NECESITAMOS 3 MODELOS DE PLANTILLAS DIFERENTES: PÉ DEREITO, PÉ ESQUERDO E CÍRCULO. PARA PERSONALIZALO, PODEDES EMPREGAR OS VOSOS PÉS COMO MODELO PARA CONFECCIONAR ESTAS PLANTILLAS :)

COMO MÍNIMO, IMOS PRECISAR 7 PÉS DEREITOS, 7 ESQUERDOS E 2 CÍRCULOS (AÍNDA QUE PODEDES FACER MÁIS EN FUNCIÓN DO VOSO PROPIO CIRCUÍTO).

UNHA VEZ QUE XA TEMOS AS PLANTILLAS PREPARADAS, SÓ TEMOS QUE COLOCALAS NO CHAN FORMANDO CON ELAS UN PERCORRIDO SIMILAR AO DA NOSA FOTO.

E... COMO SE XOGA?

XOGAR É MOI SINXELO! TRÁTASE DUN CIRCUÍTO DE SALTOS, POLO QUE SALTAR É A ÚNICA FORMA VÁLIDA PARA AVANZAR NO CIRCUÍTO. E OLLO! SÓ PODEMOS COLOCAR O NOSOS PÉ DEREITO SOBRE PLANTILLAS DO PÉ DEREITO, E O PÉ ESQUERDO SOBRE PLANTILLAS DESE PÉ. E NOS CÍRCULOS NON SE PODE PISAR!

A TER EN CONTA

O CIRCUÍTO É MOI FLEXIBLE: PODEDES REALIZAR CARREIRAS CON EL, CAMBIAR A DISTRIBUCIÓN DAS PLANTILLAS PARA FACER PERCORRIDOS DIFERENTES, REALIZAR O CIRCUÍTO A RITMO DA VOSA CANCIÓN FAVORITA...

AH! E TAMÉN PODEDES COMPLICALO CON MÁIS TRAMOS Á PATA COXA (COLOCANDO NO CHAN SÓ A PLANTILLA DUN PÉ VARIAS VECES), E COLOCAR MÁIS ZONAS ONDE NON SE PODE PISAR (COLOCANDO MÁIS CÍRCULOS NO CHAN).

AGORA... TODOS A SALTAR :)

LEMBRAMOS COMO É O NOSO ESQUELETO

MOI BOS DÍAS!

HOXE VOLVEMOS CON GANAS DE EXPLORAR O NOSO CORPO PARA NON ESQUECER A IMPORTANCIA DE COIDALO MOITO DURANTE ESTAS SEMANAS NA CASA.

ISTO VAI DE ÓSOS

COMO XA VIMOS NALGUNHA OCASIÓN, OS NOSOS ÓSOS ESTÁN UNIDOS E FORMAN O NOSO ESQUELETO, PERO ESTÁN TAN BEN ESCONDIDIÑOS BAIXO A NOSA PEL E OS NOSOS MÚSCULOS QUE NON PODEMOS VELOS. 

POIS BEN, AÍNDA QUE NÓS NON PODEMOS OBSERVALOS, XA VIMOS QUE PODEMOS SABER COMO SON OS NOSOS ÓSOS GRACIAS ÁS RADIOGRAFÍAS, UNHAS FOTOS MOI “ESPECIAIS” QUE MOSTRAN OS ÓSOS DAS PERSOAS EN BRANCO E NEGRO. AÍNDA QUE DEBEDES SABER QUE NIN AS CÁMARAS DE FOTOS QUE TEMOS NAS NOSAS CASAS NIN OS NOSOS MÓBILES PODEN FACER ESTE TIPO DE FOTOS, XA QUE PARA ISO PRECÍSANSE UNHAS MÁQUINAS QUE SÓ UNS MÉDICOS ESPECIALISTAS SABEN MANEXAR. E... TAMPOUCO PODEMOS FACER UNHA RADIOGRAFÍA CANDO NÓS QUEREMOS, SE NON QUE SÓ SE PODEN FACER CANDO O NOSO MÉDICO CONSIDERA QUE É NECESARIO.

CON TODO, HOXE QUEREMOS COÑECER UN POUQUIÑO MÁIS SOBRE O NOSO CORPO, POR ISO VOS PROPOÑEMOS AS SEGUINTES ACTIVIDADES :)

COMEZAMOS CUNHAS ADIVIÑAS VISUAIS. SODES CAPACES DE IDENTIFICAR QUE PARTE DO NOSO CORPO APARECE EN CADA UNHA DESTAS RADIOGRAFÍAS? 

INTENTADE SINALAR ESAS ZONAS NO VOSO PROPIO CORPO.

E A OUTRA ACTIVIDADE QUE VOS PROPOÑEMOS PARA HOXE É CREAR A VOSA PROPIA RADIOGRAFÍA. NÓS ESCOLLEMOS FACER UNHA DAS NOSAS MANS, E ASÍ NOS QUEDOU:

(MATERIAIS EMPREGADOS: CARTOLINA NEGRA, CERA OU TÉMPERA BRANCA, BASTONCITOS DOS OÍDOS E COLA BRANCA PARA PEGAR).

ANIMÁMOSVOS A CREAR A VOSA PROPIA RADIOGRAFÍA NA CASA. E SOBRE TODO, NON ESQUEZADES QUE O MÁIS IMPORTANTE DE TODO ISTO É... LEMBRAR QUE PARA QUE OS NOSOS ÓSOS MEDREN FORTES E SANS DEBEMOS COIDAR A NOSA ALIMENTACIÓN E FACER EXERCICIO!

XOGOS COAS MANS

PREPARÁDEVOS BEN, PORQUE HOXE TRAEMOS UNHA LISTA DE XOGOS MOI ESPECIAL: XOGOS COAS MANS. ATENTOS, QUE COMEZAMOS!

XOGAMOS AO PICA PEDRA

REMATAMOS A SEMANA CUN XOGO NO QUE AS NOSAS MANS SON AS PROTAGONISTAS: O PICA PEDRA. ATENTOS, QUE AQUÍ VAI:

UN XOGO CURIOSO, VERDADE? SE É QUE AS NOSAS MANS SON UNHA PARTE DO NOSO CORPO MOI IMPORTANTE. GRACIAS A ELAS (E AOS NOSOS DEDOS, CLARO!) PODEMOS FACER UN MONTÓN DE COUSAS. PODEMOS, POR EXEMPLO:

DEBUXAR

FACER PUZZLES

ESCRIBIR

FACER CÓXEGAS

RECORTAR

XOGAR CON PLASTILINA

COMER

TOCAR INSTRUMENTOS MUSICAIS

PEITEARNOS

A VER, A VER, TODOS A PENSAR: QUE MÁIS COUSAS PODEMOS FACER COAS NOSAS MANS?

SEGURO QUE SE VOS OCORREN MÁIS COUSIÑAS QUE FACEMOS NO DÍA A DÍA COA AXUDA DAS NOSAS MANS, A QUE SI? NÓS VOLVEMOS O LUNS CON NOVOS XOGOS E ACTIVIDADES. E LEMBRADE: XA QUEDA UN DÍA MENOS PARA PODER SAÍR E XOGAR COS NOSOS AMIGOS :)

ADIVIÑA, ADIVIÑA

HOXE FACEMOS TRABALLAR AS NEURONAS. SEREDES CAPACES DE RESOLVER ESTAS ADIVIÑAS SOBRE AS FROITAS?

PISTA: DEBAIXO DAS ADIVIÑAS ATOPAREDES UNHA IMAXE COAS SOLUCIÓNS. ASÍ SÓ TEREDES QUE RELACIONAR CADA FOTO COA ADIVIÑA CORRESPONDETE. E, POR SUPOSTO, LEMBRADE TOMAR FROITA TÓDOLOS DÍAS PARA MEDRAR FORTES E SANS :)

Verde por dentro,

con pebidas negras.

Cortado e con azucre

son unha rica merenda.

Levo un abrigo

longo e amarelo.

Se queres comerme

terás que quitarmo primeiro.

Eu son eu esa froita

que a todos encanta,

menos á pobre Brancaneves

se lla regala a súa madrasta.

Eu son unha froita elegante

cun vestido vermello rechamante.

E como me gusta presumir

cun sombreiro verde acostumo saír.

Redonda coma un balón

o meu nome mola un montón.

Para comerme terás que pelarme

ou nun zume saborearme.

Redondiñas e vermellas

como o nariz dun pallaso.

Dentro temos unha pebida

que terás que quitarnos.

3,2,1... FACEMOS EXERCICIO!

HOXE TEMOS PREPARADA UNHA CANCIÓN MOI MARCHOSA COA QUE AS RISAS ESTÁN ASEGURADAS, SOBRE TODO SE A BAILAMOS EN FAMILIA. SEREDES CAPACES DE SEGUIR A ELEFANTE E AOS SEUS AMIGOS CANDO AUMENTAN A VELOCIDADE? :)

XOGOS CON MÚSICA

AQUÍ ESTAMOS OUTRA VEZ :)

NESTA OCASIÓN TEMOS PREPARADA UNHA LISTA DE XOGOS CON MÚSICA AOS QUE PODEREMOS XOGAR NA CASA. PARA ELES PRECISAMOS O ORDENADOR OU UNHA CADEA DE MÚSICA COS QUE PODER POÑER MÚSICA E... MOITAS GANAS DE MOVERSE!

FRÍO FRÍO, QUENTE QUENTE

MOI BOAS DE NOVO!

HOXE TRAEMOS UN XOGO DE ORIENTACIÓN NO ESPAZO AO QUE TODOS PODEMOS XOGAR ESTES DÍAS NAS NOSAS CASAS. ALGUÉN SE ANIMA?

XOGAMOS AO ESCONDITE INGLÉS?

BOS DÍAS! HOXE ESPERTAMOS CHEOS DE ENERXÍA E DECIDIMOS TRAERVOS UN XOGO AO QUE SEGURO QUE OS MAIORES DA CASA XA SABEN XOGAR: O ESCONDITE INGLÉS!

TRÁTASE DUN XOGO PERFECTO PARA ESTES DÍAS NA CASA PORQUE NON PRECISA NINGÚN MATERIAL, SÓ MOITAS GANAS DE PASALO BEN. ESTADES LISTOS?

SEGURAMENTE NA CASA XA COÑECEN O XOGO, PERO IMOS RECORDAR AS SÚAS REGRAS POR SE ACASO. EN PRIMEIRO LUGAR, DICIR QUE NECESITAMOS UN MÍNIMO DE DÚAS PERSOAS PARA PODER XOGAR. UN DESES XOGADORES SERÁ O GARDA, QUE É O QUE QUEDA CARA A PAREDE COS OLLOS PECHADOS, RECITANDO RÁPIDO A CANCIÓN DO XOGO:

ESCONDITE INGLÉS

SEN MOVER AS MANS

NIN OS PÉS.

UN, DOUS, TRES!

OS DEMAIS XOGADORES COMEZAN O XOGO COLOCADOS NA PAREDE OPOSTA. MENTRES SE RECITA A CANCIÓN, ESTES XOGADORES CAMIÑAN CARA ADIANTE PARA TRATAR DE CHEGAR XUNTO AO GARDA. PERO OLLO! CANDO REMATA A CANCIÓN, DEBEN PARAR E QUEDAR QUIETOS COMA ESTATUAS, SEN MOVER NINGUNHA PARTE DO SEU CORPO. PORQUE... CANDO O GARDA ACABA A CANCIÓN, XÍRASE PARA VIXIAR AOS DEMAIS XOGADORES E  SE VE QUE ALGUÉN SE MOVE, ESE XOGADOR TERÁ QUE VOLVER Á PAREDE PARA COMEZAR OUTRA VEZ DENDE ATRÁS.

O XOGO REPÍTESE ATA QUE ALGÚN DOS XOGADORES CHEGA ATA O GARDA E TOCA NA SÚA ESPALDA. NESE MOMENTO O GARDA XÍRASE RAPIDAMENTE PARA TRATAR DE PILLAR A ALGÚN DOS XOGADORES ANTES DE QUE VOLVAN CORRENDO Á PAREDE INICIAL. NA SEGUINTE PARTIDA, O GARDA É AQUEL XOGADOR AO QUE SE PILLA, E... NO CASO DE QUE NINGUÉN SEXA PILLADO, O GARDA VOLVERÁ REPETIR O SEU PAPEL DE GARDA. 

POIS XA O TEMOS TODO LISTO PARA COMEZAR A XOGAR! :)

CON ESTA CANCIÓN TAMÉN PODEMOS BAILAR UN POUCO A RITMO DE ESCONDITE INGLÉS. MOITO ÁNIMO, E QUE PASEDES BO DÍA!

DEPORTES, DEPORTES

ALGUNHA VEZ VOS PARASTES A PENSAR NA CANTIDADE DE DEPORTES DIFERENTES QUE EXISTEN? PENSEMOS: HAI DEPORTES QUE SE PRACTICAN CON PELOTA (BALONCESTO, FÚTBOL, VOLEIBOL...), OUTROS CON RAQUETA (TENIS, BADMINTON... ). TAMÉN HAI DEPORTES QUE SE PRACTICAN SOBRE RODAS (ANDAR EN BICI, PATINAXE), E OUTROS QUE SE PRACTICAN NA AUGA (COMO A NATACIÓN OU O PIRAGÜISMO, POR EXEMPLO).

EN RELACIÓN COS DEPORTES, TEMOS ALGUNHAS PREGUNTIÑAS PARA VÓS:

• CAL É O VOSO DEPORTE FAVORITO? POR QUE?
• QUE MATERIAIS SON NECESARIOS PARA PRACTICAR ESE DEPORTE?
• E OS DEPORTES FAVORITOS DOS FAMILIARES QUE ESTÁN A PASAR CON VÓS ESTES DÍAS NA CASA?

OLLADE BEN A SEGUINTE IMAXE:

SABEDES QUE DEPORTE REPRESENTA CADA UN DOS DEBUXOS?

TAMÉN QUEREMOS APROVEITAR ESTE MOMENTO PARA RECORDAR ALGO MOI IMPORTANTE: NON HAI DEPORTES PARA NENOS E DEPORTES PARA NENAS. TODOS ELES VALEN PARA TODOS NÓS. DE FEITO, QUEREMOS PRESENTARVOS A DOUS GRANDES DEPORTISTAS:

ATENTOS! ESTA É VERO BOQUETE, UNHA FUTBOLISTA GALEGA MOI FAMOSA QUE XA MARCOU MOITOS GOLES XOGANDO EN DIFERENTES EQUIPOS DE FÚTBOL E COS QUE TAMÉN GAÑOU VARIAS MEDALLAS.  

E ESTE É JAVIER FERNÁNDEZ, UN PATINADOR QUE XA GAÑOU UN MONTÓN DE MEDALLAS EN DIFERENTES CAMPIONATOS MUNDIAIS. ÉL PATINA SOBRE XEO FACENDO PIRUETAS CUNS PATÍNS MOI ESPECIAIS, E DIN QUE É O MELLOR DO MUNDO NO SEU DEPORTE!


E... COMO SABEMOS QUE VÓS TAMÉN SODES UNS GRANDES DEPORTISTAS, ATREVÉDESVOS A IMITAR DEPORTES CON MÍMICA? É MOI SINXELO! MOVENDO O VOSO CORPO PODEDES IMITAR DIFERENTES DEPORTES, E OS VOSOS FAMILIARES TERÁN QUE ADIVIÑAR QUE DEPORTES ESTADES “PRACTICANDO”. TAMÉN PODEDES CAMBIAR OS PAPEIS, E QUE SEXAN OS MAIORES (PAPÁ, MAMÁ, VOSOS IRMÁNS...) OS QUE IMITEN DEPORTES PARA QUE VÓS TRATEDES DE ADIVIÑALOS :)

HOXE TAMÉN BAILAMOS :)

COMO SABEMOS O MOITO QUE VOS GUSTA BAILAR, HOXE TRAEMOS UNHA EXÓTICA CANCIÓN PERFECTA PARA APRENDER NA CASA. O SEU PROTAGONISTA É DRILO, UN COCODRILO QUE VIVE NO RÍO NILO E AO QUE LLE ENCANTA BAILAR ENTRE AS PIRÁMIDES DO DESERTO. SEREDES CAPACES DE IMITALO?

POR CERTO, SABIADES QUE O RÍO NILO É UN DOS MÁIS LONGOS DO MUNDO?

UNHA SÚPER PREGUNTA PARA REMATAR: SABEDES QUE OUTROS ANIMAIS VIVEN EN ÁFRICA? :)

DE FROITA EN FROITA, SAÚDE MOITA!

MOI BOAS DE NOVO! 

AQUÍ ESTAMOS UN DÍA MÁIS, DESPOIS DESTAS VACACIÓNS DE SEMANA SANTA NAS NOSAS CASAS. XA SABEMOS QUE LEVAMOS ASÍ MOITOS DÍAS SEN SAÍR PARA COIDAR DA NOSA SAÚDE E DA DOS DEMAIS, PERO NON PODEMOS ESQUECER OUTRAS COUSIÑAS TAMÉN MOI IMPORTANTES PARA COIDARNOS E MEDRAR SANS. POR EXEMPLO... FACER EXERCICIO E COMER MOITA FROITA :) 

POIS BEN, PARA CELEBRAR O NOSO GRAN ESFORZO PARA ESTAR SANS, HOXE PROPOÑÉMOSVOS UNHA DIVERTIDA APP QUE PODEDES DESCARGAR NO MÓBIL OU NA TABLET DUN MAIOR E COA QUE PODEREDES DESCUBRIR XOGOS MOI FROITEIROS E ENTRETIDOS (SI, SI, FROITEIROS PORQUE NELES AS PROTAGONISTAS SON AS FROITAS!). 

O NOME DESTA APLICACIÓN É “APRENDER FRUTAS Y VERDURAS”. PODEREDES DESCARGALA DE FORMA GRATUITA E PASAR UN BO RATO COS XOGOS QUE NOS OFRECE GRATUITAMENTE. 

MINICANASTAS

XOGOS CON GLOBOS

AQUÍ ESTAMOS OUTRA VEZ :) 

NESTA OCASIÓN TEMOS PREPARADA UNHA LISTA DE XOGOS MOI DIVERTIDOS, PERO PARA TODOS ELES PRECISAMOS UN ELEMENTO COMÚN: GLOBOS! BUSCADE BEN EN TÓDO-LOS CAIXÓNS DA CASA PORQUE SE ATOPADES ALGÚN GLOBO TEDES ASEGURADOS UN MONTÓN DE XOGOS PARA ESTES DÍAS! 

COMEZAMOS? 

O XOGO CHIRIMBOLO

MOI BOAS DE NOVO!

HOXE TEMOS PREPARADO ALGO MOI DIVERTIDO: O XOGO CHIRIMBOLO, UN XOGO CANTADO AO QUE PODEMOS XOGAR EN FAMILIA SEN NECESIDADE DE MATERIAIS. SÓ PRECISAMOS AFINAR AS NOSAS VOCES E GANAS DE PASALO BEN!

A CANCIÓN DO XOGO DI ASÍ:

EL JUEGO CHIRIMBOLO

¡QUÉ BONITO ES!

CON EL PIE, OTRO PIE,

CON LA MANO, OTRA MANO,

CON EL CODO, OTRO CODO

¡QUÉ BONITO ES!

UNHA CANCIÓN FACILIÑA, VERDADE? POIS AQUÍ VOS DEIXAMOS UN VÍDEO NO QUE SE MOSTRA COMO XOGAR CHOCANDO COA VOSA PARELLA A PARTE DO CORPO QUE CORRESPONDE EN CADA MOMENTO. E PREPARÁDEVOS PARA AUMENTAR A VELOCIDADE DO XOGO, PORQUE CANTO MÁS RÁPIDO MÁIS DIVERTIDO ;)

UN SAÚDO, E ATA PRONTO!