COÑECEMOS OS XOGOS OLÍMPICOS

HOXE IMOS INVESTIGAR UN POUQUIÑO SOBRE OS XOGOS OLÍMPICOS.

OS XOGOS OLÍMPICOS É UN EVENTO DEPORTIVO QUE SE CELEBRA CADA CATRO ANOS NUN PAÍS DIFERENTE, E NEL PARTICIPAN MOZOS E MOZAS DEPORTISTAS CHEGADOS DE TODAS AS PARTES DO MUNDO.

PARA PARTICIPAR NOS XOGOS OLÍMPICOS HAI QUE SER MOI BOS DEPORTISTAS, POR ISO TODOS OS PARTICIPANTES ENTRÉNANSE TODOS OS DÍAS NOS SEUS DEPORTES FAVORITOS. NESTE VÍDEO PODEMOS VER ALGÚNS DOS DEPORTES AOS QUE XOGAN:

- Que deportes vedes no vídeo?

- Que materiais empregan os deportistas?

OS XOGOS OLÍMPICOS CELEBRÁRONSE POR PRIMEIRA VEZ NA CIDADE DE OLIMPIA (EN GRECIA) MOITOS ANOS ATRÁS, CANDO AÍNDA NON EXISTÍAN A TELEVISIÓN NIN OS COCHES. ESTE ANO 2020 OS XOGOS OLÍMPICOS ÍAN CELEBRARSE EN XAPÓN, UN PAÍS SITUADO NUNHA ILLA MOI LONXE DE AQUÍ. PERO, DO MESMO XEITO QUE NÓS NON PODEMOS IR AO COLE PARA PROTEXERNOS DO CORONAVIRUS, OS DEPORTISTAS TAMPOUCO PODERÁN IR COMPETIR A XAPÓN E TERÁN QUE ESPERAR ATA O PRÓXIMO ANO PARA PODER IR SEN MEDO AO CORONAVIRUS.

MIRADE, IMOS BUSCAR NO MAPA ESTES PAÍSES PARA SITUARNOS MELLOR:

- Que país está máis lonxe de Bueu: Grecia ou Xapón?

- Como poderiamos chegar a Grecia dende Bueu?

- E como poderiamos chegar a Xapón? Tede en conta que é unha illa e non poderíamos ir ata alí todo por carretera.

OUTRA CURIOSIDADE SOBRE OS XOGOS OLÍMPICOS É O SEU SÍMBOLO: OS ANEIS OLÍMPICOS. TODAS AS MEDALLAS QUE SE ENTREGAN AOS DEPORTISTAS NESTES XOGOS TEÑEN ESTE SÍMBOLO.

- Cantos aros hai?

- Que forma teñen?

- De que cores son?

- Son todos do mesmo tamaño?

ANIMÁDESVOS A FACER A VOSA PROPIA MEDALLA OLÍMPICA? PODEDES CREALA CON MATERIAIS QUE TEÑADES POLA CASA, SEN ESQUECER POÑERLLE OS AROS OLÍMPICOS QUE ACABAMOS DE COÑECER. E É QUE... BEN VOS MERECEDES UNHA GRAN MEDALLA POLO VALENTES QUE SODES QUEDANDO ESTES DÍAS NA CASA :)

LEMBRAMOS COMO É O NOSO ESQUELETO

MOI BOS DÍAS!

HOXE VOLVEMOS CON GANAS DE EXPLORAR O NOSO CORPO PARA NON ESQUECER A IMPORTANCIA DE COIDALO MOITO DURANTE ESTAS SEMANAS NA CASA.

ISTO VAI DE ÓSOS

COMO XA VIMOS NALGUNHA OCASIÓN, OS NOSOS ÓSOS ESTÁN UNIDOS E FORMAN O NOSO ESQUELETO, PERO ESTÁN TAN BEN ESCONDIDIÑOS BAIXO A NOSA PEL E OS NOSOS MÚSCULOS QUE NON PODEMOS VELOS. 

POIS BEN, AÍNDA QUE NÓS NON PODEMOS OBSERVALOS, XA VIMOS QUE PODEMOS SABER COMO SON OS NOSOS ÓSOS GRACIAS ÁS RADIOGRAFÍAS, UNHAS FOTOS MOI “ESPECIAIS” QUE MOSTRAN OS ÓSOS DAS PERSOAS EN BRANCO E NEGRO. AÍNDA QUE DEBEDES SABER QUE NIN AS CÁMARAS DE FOTOS QUE TEMOS NAS NOSAS CASAS NIN OS NOSOS MÓBILES PODEN FACER ESTE TIPO DE FOTOS, XA QUE PARA ISO PRECÍSANSE UNHAS MÁQUINAS QUE SÓ UNS MÉDICOS ESPECIALISTAS SABEN MANEXAR. E... TAMPOUCO PODEMOS FACER UNHA RADIOGRAFÍA CANDO NÓS QUEREMOS, SE NON QUE SÓ SE PODEN FACER CANDO O NOSO MÉDICO CONSIDERA QUE É NECESARIO.

CON TODO, HOXE QUEREMOS COÑECER UN POUQUIÑO MÁIS SOBRE O NOSO CORPO, POR ISO VOS PROPOÑEMOS AS SEGUINTES ACTIVIDADES :)

COMEZAMOS CUNHAS ADIVIÑAS VISUAIS. SODES CAPACES DE IDENTIFICAR QUE PARTE DO NOSO CORPO APARECE EN CADA UNHA DESTAS RADIOGRAFÍAS? 

INTENTADE SINALAR ESAS ZONAS NO VOSO PROPIO CORPO.

E A OUTRA ACTIVIDADE QUE VOS PROPOÑEMOS PARA HOXE É CREAR A VOSA PROPIA RADIOGRAFÍA. NÓS ESCOLLEMOS FACER UNHA DAS NOSAS MANS, E ASÍ NOS QUEDOU:

(MATERIAIS EMPREGADOS: CARTOLINA NEGRA, CERA OU TÉMPERA BRANCA, BASTONCITOS DOS OÍDOS E COLA BRANCA PARA PEGAR).

ANIMÁMOSVOS A CREAR A VOSA PROPIA RADIOGRAFÍA NA CASA. E SOBRE TODO, NON ESQUEZADES QUE O MÁIS IMPORTANTE DE TODO ISTO É... LEMBRAR QUE PARA QUE OS NOSOS ÓSOS MEDREN FORTES E SANS DEBEMOS COIDAR A NOSA ALIMENTACIÓN E FACER EXERCICIO!

DEPORTES, DEPORTES

ALGUNHA VEZ VOS PARASTES A PENSAR NA CANTIDADE DE DEPORTES DIFERENTES QUE EXISTEN? PENSEMOS: HAI DEPORTES QUE SE PRACTICAN CON PELOTA (BALONCESTO, FÚTBOL, VOLEIBOL...), OUTROS CON RAQUETA (TENIS, BADMINTON... ). TAMÉN HAI DEPORTES QUE SE PRACTICAN SOBRE RODAS (ANDAR EN BICI, PATINAXE), E OUTROS QUE SE PRACTICAN NA AUGA (COMO A NATACIÓN OU O PIRAGÜISMO, POR EXEMPLO).

EN RELACIÓN COS DEPORTES, TEMOS ALGUNHAS PREGUNTIÑAS PARA VÓS:

• CAL É O VOSO DEPORTE FAVORITO? POR QUE?
• QUE MATERIAIS SON NECESARIOS PARA PRACTICAR ESE DEPORTE?
• E OS DEPORTES FAVORITOS DOS FAMILIARES QUE ESTÁN A PASAR CON VÓS ESTES DÍAS NA CASA?

OLLADE BEN A SEGUINTE IMAXE:

SABEDES QUE DEPORTE REPRESENTA CADA UN DOS DEBUXOS?

TAMÉN QUEREMOS APROVEITAR ESTE MOMENTO PARA RECORDAR ALGO MOI IMPORTANTE: NON HAI DEPORTES PARA NENOS E DEPORTES PARA NENAS. TODOS ELES VALEN PARA TODOS NÓS. DE FEITO, QUEREMOS PRESENTARVOS A DOUS GRANDES DEPORTISTAS:

ATENTOS! ESTA É VERO BOQUETE, UNHA FUTBOLISTA GALEGA MOI FAMOSA QUE XA MARCOU MOITOS GOLES XOGANDO EN DIFERENTES EQUIPOS DE FÚTBOL E COS QUE TAMÉN GAÑOU VARIAS MEDALLAS.  

E ESTE É JAVIER FERNÁNDEZ, UN PATINADOR QUE XA GAÑOU UN MONTÓN DE MEDALLAS EN DIFERENTES CAMPIONATOS MUNDIAIS. ÉL PATINA SOBRE XEO FACENDO PIRUETAS CUNS PATÍNS MOI ESPECIAIS, E DIN QUE É O MELLOR DO MUNDO NO SEU DEPORTE!


E... COMO SABEMOS QUE VÓS TAMÉN SODES UNS GRANDES DEPORTISTAS, ATREVÉDESVOS A IMITAR DEPORTES CON MÍMICA? É MOI SINXELO! MOVENDO O VOSO CORPO PODEDES IMITAR DIFERENTES DEPORTES, E OS VOSOS FAMILIARES TERÁN QUE ADIVIÑAR QUE DEPORTES ESTADES “PRACTICANDO”. TAMÉN PODEDES CAMBIAR OS PAPEIS, E QUE SEXAN OS MAIORES (PAPÁ, MAMÁ, VOSOS IRMÁNS...) OS QUE IMITEN DEPORTES PARA QUE VÓS TRATEDES DE ADIVIÑALOS :)

ARTE... MOI SAUDABLE!

BOAS AMIG@S!

HOXE TRAÉMOSVOS ALGO MOI ESPECIAL. FIXÁDEVOS NAS SEGUINTES IMAXES:

QUE PASADA, VERDADE?

AMBAS IMAXES SON OBRAS DE CARL WARNER, UN ARTISTA EXPERTO EN CREAR PAIXASES TAN FERMOSAS COMA ESTAS EMPREGANDO ÚNICAMENTE ALIMENTOS.

COMO XA SABEDES, FACER EXERCICIO É MOI IMPORTANTE PARA MEDRAR FORTES E SANS. PERO ISO... NON É SUFICIENTE! TAMÉN TEMOS QUE COIDAR A NOSA ALIMENTACIÓN TOMANDO MOITAS FROITAS E VERDURAS, XA QUE ESTÁN CHEAS DE VITAMINAS QUE NOS FAN SENTIR MÁIS ACTIVOS E CHEOS DE ENERXÍA.

OLLADE BEN AS IMAXES ANTERIORES. QUE FROITAS E VERDURAS ATOPADES NELAS? MIRADE BEN ATENTOS PORQUE HAI UNHA CHEA :)

POIS BEN, XA QUE ESTAMOS A FALAR DA IMPORTANCIA DE TOMAR FROITAS E VERDURAS PARA MEDRAR MOI FORTES, PROPOÑÉMOSVOS TAMÉN UNHA ACTIVIDADE MOI RICA E CHEA DE IMAXINACIÓN: CREAR A VOSA PROPIA OBRA DE ARTE CON FROITAS E VERDURAS!

É MOI IMPORTANTE QUE ANTES DE NADA LAVEDES BEN AS MANS CON AUGA E XABÓN, ADEMAIS DE LAVAR BEN AS FROITAS COA AXUDA DUN MAIOR. ENTÓN É CANDO PODEREDES COMEZAR!

QUE VOS APETECE CREAR? 

UN COCHE?

UN LEÓN?

OU QUIZAIS UN PALLASO COMA ESTE?

POR CERTO! CANDO XA TEÑADES A VOSA OBRA, TOCA COMELA! UNHA RICA MERENDA FAMILIAR CHEA DE VITAMINAS!

LEMBRADE QUE CON ESTAS FROITAS QUE EMPREGAMOS TAMÉN PODEMOS ELABORAR UNHA SABOROSA MACEDONIA, UNHAS COLORIDAS BROCHETAS DE FROITAS OU UN DELICIOSO ZUME CASEIRO. BO PROVEITO! 

ADIVIÑA, ADIVIÑA

SEREDES CAPACES DE RESOLVER ESTAS ADIVIÑAS SOBRE O NOSO CORPO?

PISTA: DEBAIXO DAS ADIVIÑAS ATOPAREDES UNHA IMAXE COAS SOLUCIÓNS. ASÍ SÓ TEREDES QUE RELACIONAR CADA DEBUXO COA ADIVIÑA CORRESPONDENTE.

Somos irmáns xemelgos

e movémonos á vez.

Se un se infla, o outro ségueo

e se se desinfla, tamén.

Aínda que non é un reloxo

tamén fai tic tac, tic tac.

E aínda que non ten pilas

funciona sen parar.

Son duros como as pedras

e rica comida para os cans.

Sen eles non poderíamos

saltar nin camiñar.

CANTOS ÓSOS!

HORA DE EXPLORAR! IMOS TOCAR OS DEDOS DAS NOSAS MANS. NOTADES QUE HAI ALGO DURO DEBAIXO DA PEL? QUE SERÁ?

AGORA TOCAMOS AS NOSAS PERNAS, POR DEBAIXO DOS XEONLLOS. NOTADES QUE TAMÉN HAI ALGO DURO AÍ DENTRO?

TODAS ESAS COUSIÑAS DURAS SON... OS NOSOS ÓSOS! E, COMO PODEDES COMPROBRAR, ESTÁN POR TODO O NOSO CORPO!

OS NOSOS ÓSOS ESTÁN BEN ESCONDIDIÑOS BAIXO A NOSA PEL E MÚSCULOS, POR ISO NON PODEMOS VELOS. PERO, ÁS VECES, CANDO ROMPEMOS UN ÓSO OU NOS DOE ALGO, OS MÉDICOS ACONSÉLLANNOS FACER UNHA RADIOGRAFÍA, QUE É COMO UNHA FOTO DOS NOSOS ÓSOS EN BRANCO E NEGRO. SE TEDES ALGUNHA NA CASA, PODEDES OBSERVALA E PROXECTALA NA PAREDE COA AXUDA DUNHA LÁMPADA PARA EXPLORALA.

AQUÍ VOS DEIXAMOS UN ESQUELETO PARA QUE POIDADES IMPRIMIR, RECORTAR E MONTAR EN FAMILIA. TAMÉN VOS DEIXAMOS OUTRA IDEA PARA FACER OS VOSOS PROPIOS ESQUELETOS DUNHA FORMA MÁIS DIVERTIDA E ORIXINAL :)

POR CERTO! ANTES DE REMATAR QUEREMOS CONTARVOS UN GRAN SEGREDO: TODOS NÓS TEMOS UNS ÓSOS QUE SI QUE PODEMOS VER SEN NECESIDADE DE REDIOGRAFÍAS. ESTÁN DENTRO DA NOSA BOCA E ENSINÁMOLOS CADA VEZ QUE SORRIMOS. ADIVIÑADES CALES SON?

(OS DENTES)

DESCUBRIMOS COMO É O NOSO CORPO POR DENTRO

CANDO FACEMOS EXERCICIO NO XIMNASIO TAMÉN INTENTAMOS REFLEXIONAR SOBRE COMO É O INTERIOR DO NOSO CORPO. POR EXEMPLO, XA DESCUBRIMOS QUE:

•  TEMOS DOUS ÓRGANOS QUE SE ENCHEN DE AIRE CANDO COLLEMOS AIRE POLO NARIZ E PÉRDENO CANDO O BOTAMOS FÓRA.
• TAMÉN TEMOS OUTRO ÓRGANO QUE LATEXA SEN PARAR PARA QUE O SANGUE CHEGUE A TODAS AS PARTES DO NOSO CORPO A TRAVÉS DAS VEAS.

LEMBRADES O NOME DESTES ÓRGANOS?

SODES CAPACES DE SINALAR MA IMAXE ONDE TEMOS O CORAZÓN E OS PULMÓNS?

PODEDES IMPRIMIR ESTA IMAXE E DEBUXAR COMO IMAXINADES O NOSO CORPO POR DENTRO.